ЗАЙДАН I  

1. Унах морь, малын эмээл тохошгүй нь: зайдан морь (эмээл, тохош тохоогүй морь) - дэлгэрэнгүй...Зайдан морь бусган үсэрч, хүү толгойгоороо газар цохиж унав. Б.Нямаа. Арандалынхан., зайдан тэмээ (тохошгүй тэмээ), зайдан унавал бөгс холгоно, завхай явбал лай тарина [зүйр цэцэн үг] (шалиг завхай явбал сайнаа үзэхгүй гэсэн санаа);

---

2. Өвөлжөө, хаваржааны байр нөмөр халхгүй ханхай, задгай: зайдан хаваржаа (нөмөргүй задгай хаваржаа);

---

3. Хаваржаа намаржааны нөмөрлөх юмгүй өндөрхөн цулгай газар - Манайх сая зайдан намаржаанд буугаад, хүн мал баахан зутруу янзтай л байна. дэлгэрэнгүй...И.Дамбажав. Монгол үгийн дээж;

---

4. Алсхан, зайд;

---

5. Дэвсгэргүй, жийрэг болох юмгүй - Баахан хүн, ханхай хүйтэн байшингийн зайдан шалан дээр хэвтэцгээнэ. Ц.Уламбаяр. Зовлон жаргал., хүйтэн цай, зайдан морь [зүйр цэцэн үг] (хялбар, дөхөс хийж гүйцэтгэх ажил).

---

• зайдан морь - эмээл, тохош тохоогүй морь
• зайдан тэмээ - тохошгүй тэмээ
• зайдан унавал бөгс холгоно, завхай явбал лай тарина - шалиг завхай явбал сайнаа үзэхгүй гэсэн санаа
• зайдан хаваржаа - нөмөргүй задгай хаваржаа
• хүйтэн цай, зайдан морь - хялбар, дөхөс хийж гүйцэтгэх ажил

---

Ижил үг

ЗАЙДАН II

Холбогдох зураг одоогоор алга байна.