ЮМГҮЙ  

1. Юм байхгүй, хоосон: дотроо юмгүй сав (дотроо юм байхгүй, хоосон сав), дэлгэрэнгүй...сонин гойд юмгүй (онцгой содон зүйлгүй) - Улаанбаатараар сонин болгох гойд юмгүй, саяхан цэргийн наадам болж өнгөрсөн билээ. П.Хорлоо. Багш., үзэх харах юмгүй (сонирхох зүйлгүй), хийсэн бүтээсэн юмгүй (ажил хөдөлмөр хийж гавиагүй) - Харин сүүлдээ тайван цаг бүрэн тогтоод ирэхлээр нөгөө зангаа тавихгүй амарсан ч юмгүй, хийж бүтээсэн ч юмгүй суудаг байжээ. С.Удвал. Та бид уулзана;

---

2. Эд хөрөнгөгүй, хоосон ядуу: өмссөн хувцаснаас өөр юмгүй (бүр хоосон ядуу хүн) -дэлгэрэнгүй... Түүний ээж аав нь гаминд алагдсан, гэр орон байхгүй, морь ч үгүй, өмссөн хувцаснаас өөр юмгүй гэнэ. С.Удвал. Их хувь заяа., юмгүй хоосон [хоршоо] (хөрөнгө хогшилгүй, ядуу зүдүү), *мөрөндөө углах юмгүй (өмсөх хувцасгүй, ядуу хоосон);

---

3. Юм үлдээлгүй, бүгдийг нь - дэлгэрэнгүй...Мянга түмэн тэрэг түлээг гал ноцоох юмгүй болтол харваад, хонин цагаан чулууг хог болтол харваад байж гэнэ. Халх ардын тууль;

---

4. [шилжсэн] Амар, хялбар - Үүнийг хийхэд даан ч юмгүй. Яриа.

---

• дотроо юмгүй сав - дотроо юм байхгүй, хоосон сав
• сонин гойд юмгүй - онцгой содон зүйлгүй
• үзэх харах юмгүй - сонирхох зүйлгүй
• хийсэн бүтээсэн юмгүй - ажил хөдөлмөр хийж гавиагүй
• өмссөн хувцаснаас өөр юмгүй - бүр хоосон ядуу хүн
• юмгүй хоосон - хөрөнгө хогшилгүй, ядуу зүдүү
• мөрөндөө углах юмгүй - өмсөх хувцасгүй, ядуу хоосон

Холбогдох зураг одоогоор алга байна.