1. Харуулах: үзүүлэх тоглолт (ур чадвараа бусдад харуулах тоглолт), үзүүлээд өгөх (а. Яаж хийдгийг өөрийн биеэр үлгэрлэх; б. Маш сайн хийх; в. [шилжсэн] Хашраах) - Яана гэнээ, чамд үзүүлээд өгье гээд Жаргал өрлөө. Барилдаан эхлэв. Ч.Лодойдамба. Тунгалаг Тамир., амжилт үзүүлэх (амжилт гаргах) - Ийм амжилт үзүүлж байгаа болохоор гайхамшигтай бөх гэж хэлэхээс аргагүй. “Ардын эрх” сонин., дүр үзүүлэх (ямар нэгэн байдал гаргах, дүр эсгэх) - Аль талын хүн болж таарах вэ? гэж бодоод ямар ч гэсэн түүнд дөхөж мөргөлчин дүр үзүүлнэ. Ц.Уламбаяр Зовлон жаргал., дэмжлэг үзүүлэх (тус нэмэр болох), илбэ үзүүлэх (илбэ харуулах), өршөөл үзүүлэх (байр суурь өндөр хүн, байр суурь багатайнхаа хийсэн хэргийг уучлах) - Хуучин “найз нар” нь түүнийг партизан байгаад хоригдсон гэдгийг мэдэхгүй хааяа өршөөл үзүүлэх амой. “Цог” сэтгүүл., төлгөчид үзүүлэх (мэргэ төлгө буулгуулах, хувь заяагаа харуулах) - Дээр үед нэг хаан хувь тавилангаа мэргэн төлгөчөөр үзүүлжээ. “Зууны мэдээ” сонин., тусламж үзүүлэх (туслах, дэмжих) - Миний бие ардын цэрэгт элдэв тусламж үзүүлнэ. Д.Гонгор нар. Сүхбаатарын тухай дуртгалууд., үлгэр жишээ үзүүлэх (ингэж хий хэмээн өөрийн биеэр харуулах), үнэмлэхээ үзүүлэх (биеийн байцаалтаа гаргаж харуулах), цээрлэл үзүүлэх (шийтгэх, залхаах), эмчид үзүүлэх (эмчид биеэ шалгуулах) - Өчигдөр үдээс хойш л толгой өвдлөө гээд байсан, гэртээ дэмий хэвтэж байхаар эмчид үзүүлэх нь яасан юм бэ? “Цог” сэтгүүл., эр чадлаа үзүүлэх (юу хийж чаддагаа харуулах), хүндэтгэл үзүүлэх (хүндэтгэж буйгаа илэрхийлэх) - Бошигт ханыг биеийг сүүлчийн замд нь үдэхэд мянга мянган баатар эрс гүн хүндэтгэл үзүүлэн хоёр эгнээ гудамжлан жагсаж туг сүлд, зэр зэвсгээ өргөн ёслол үйлдлээ. Б.Догмид. Ялгуусан хутагтын дууль., үзүүлэх харуулах [хоршоо] (нүдэнд өртүүлэх); *амар заяа үзүүлэх (амраах), *ертөнцийн мөнх бусыг үзүүлэх (нас барах) - Нийслэлд эргэж ирэхэд нь хүн болгож, хүлгийн дөрөөнд хүргэж өгсөн хайрт эцэг нь нэгэнт ертөнцийн мөнх бусыг үзүүлсэн байх тул нэгэн хэсэгтээ сэтгэл санаа ихэд хямран гуньж явлаа. Л.Түдэв. Алтан гадас чигийг заана., *нүүр үзүүлэх (эелдэг зан ааш гарган найрсаг хандах) - Харахаас ялдам хонгор бүсгүй ээ, хайрын тухай битгий дуулаач, наалинхай хонгор аашаа дэлгэж надад битгий нүүр үзүүлээч. Б.Явуухулан. Харахаас ялдам хонгор бүсгүй ээ., *үзүүлээд өгөх (а. Ажил хэргийг бусдад үлгэр дуурайл болохуйц сайн хийх, ажлаа маш сайн хийх; б. Бусдыг хаширтал зодох), сохор үхэрт худаг бүү үзүүл, согтуу хүнд архи бүү үзүүл [зүйр цэцэн үг] (дайран дээр нь давс нэмэхгүй байх гэсэн санаа);