1. Үе судал бүхий, үе давхарга бүхий: үет ташуур (төмөр, гуулийг давтан ташууртай адил болгож хулс модыг дүрслээд, бариулд нь балтаг, толт тавьж хийсэн цэргийн зэвсэг), олон үет (а. Олон судалтай, б. Олон давхарга бүхий, үе ихтэй);

---

2. Үе гишүүн бүхий: үет хөлтөн (үелсэн хөлтэй нугаламгүй амьтны хүрээ), үет монгол [ургамал] (хэлбэр үет цагаантай ойролцоо, бут шингэн, навч цөөн, шивээ богино бөгөөд бараан өнгөтэй, асга хадтай газар ургадаг ургамал, шивээ ургаж гүйцсэн хойно малд нөлөөтэй, монгол өвс), үет цагаан [ургамал] (усны хөвөө, тойром, сайрт ургах зэгс, дэрс мэт ургамал), үет юм тэнийх, үс даахь гуужих [зүйр цэцэн үг] (хавар болж дулааран хүн амьтны зоо нуруу тэнийх гэсэн санаа);

---

3. Ургамлын ишинд байдаг түгдэрхий бүхий, үе бүхий: үет ургамал (үе бүхий ургамал) - Хулсны баавгай нь үет ургамал болох хулсаар хооллодог. Хүүхэд залуучуудын нэвтэрхий толь.