1. Ухаан сайтай, сэргэлэн: гойд ухаантай (оюун сэтгэлгээгээр гоцолсон), гүехэн ухаантай (бодол оюун муутай, өнгөц бодож дүгнэдэг), ухаантай хөдлөх (хашир, ул суурьтай хийх), ухаантай хүн (өөрийн уураг тархийг сайн ажиллуулдаг, юмны арга эвийг сайн олдог, юмны учир зүйг мэддэг хүн), *гүйх ухаантай (юмыг түргэн сэтгэдэг, сэргэлэн) - Хэчнээн шувтан бөгстэй, бүсгүй бэлхүүстэй ч арслангийн толгойтой учир гүйх ухаанаар сайн болох биз. Д.Маам. Газар шороо., ухаантай хүнийг үгээр, ууртай хүнийг эвээр [зүйр цэцэн үг] (хүний зан араншинд тохируулж харьцах гэсэн санаа) - Зарим нэг нь их ухаантай хүн гэж магтана. Ц.Уламбаяр. Зовлон жаргал., ухаантай хүн ойлгуулах, мунхаг хүн будилуулах [зүйр цэцэн үг] (мунхаг хүний үгийг дагах осолтой, хүнийг ухаанаар нь дүгнэж болно гэх мэт санаа);

---

2. Ухаан эрүүл, согтуу биш: согтуу хүн сохор ухаантай [зүйр цэцэн үг] (согтуу ч гэсэн бүх ухаанаа уугаагүй) - Согтуу ч бол ухаантай байсан. “Цог” сэтгүүл;

---

3. Учиртай; санаатай: хоол хийсэн ухаантай (хоол хийсэн санаатай, хоол хийсэн болох), ямар ухаантай юм бэ (ямар учиртай юм бэ) - Энэ ер нь ямар ухаантай юм болоод байна гэж Буяндэлгэр асуув. С.Дашдэндэв. Улаан наран.