1. Юмыг тулж тулгуурлах зүйл: байшингийн багана (байшингийн тулгуур), гэрийн багана (гэрийн тулгуур), алхан багана (толгойн хэсэг нь алхны толгой мэт шулуун багана), баганын ац (салаа тулгуур), баганын бөгс (баганын толгойн нөгөө этгээд), баганын ивүүр (баганын доор тулсан зүйл), баганын иш (баганаас барих хэсэг), баганын нуруу (баганын ар хэсэг), баганын суурь (баганын доод хэсгийг бэхэлж тавьсан хэсэг), баганын сэнж (баганын бариул), баганын толгой (баганын тархи, далбаа, ац тэргүүтэн ), баганын углуурга (баганын угласан хэсэг), баганын хөл (баганын ишний газар чиглэсэн хэсэг), далбаат багана (ишний дээр углуургадаж суулгасан, хагас нуман тархийг баганын иштэй гурвалжлан холбосон навчин хэлбэрт хавтгай хос тулаас бүхий багана), толгойтой багана (толгой бүхий багана), хөвч багана (тоононы цагаригийн хоёр талыг тулах багана), хөлт багана (урцны голд босгодог багана) - Нэгэн гэрийн хоёр багана мэт амьдаръя. Ш.Гаадамба. Элбэг дээл., ацтай багана (салаа үзүүртэй багана), чагтан багана (хойш урагш, баруун зүүн тийш чиглэсэн тоонолжин тархитай, голдоо нэг тулгууртай багана), баганын ягаа (баганын дээд үзүүрийн хээ хуар, баганын чимэг), майхны багана (майхны тулгуур) - Майхныхаа баганаас тугаа тайлж эхлэв. С.Дашдооров. Айлын хүүхэн Алигэрмаа., багана тулгуур [хоршоо] (тулах юм, тулгуур болох юм) - Их хүмүүн хэмээгч төрийн яамны багана тулгуур мөн. В.Инжаннаши. Улаанаа ухилах тэнхим., багана нуруу ~ нуруу багана [хоршоо] (байшин барилгын хөндлөн болон уртааш мод);

---

2. Хилийн тэмдэг, шон: хилийн багана (хилийн тэмдэгт шон);

---

3. Хана, заалт бүхий шугам: мөнгөн усны багана (мөнгөн усны хэмжээний заалт);

---

4. [шилжсэн] Бат түшиг, тулгуур;

---

5. Хэвлэлийн зориуд доош нь цувуулж бичин хайрцаглах байдал: тусгай багана (нэрд гарсан нийтлэлчийн тодорхой сэдвээр байнга бичдэг өгүүллийн булан).