1. Дотор тал гадагш шамран гарах: зовхи урвах (нүдний зовхи гадагш эргэх), хошного урвах (хошногоны дотор тал гадагш эргэх нэг зүйл өвчин);

---

2. Юм хөрвөх, эргэх, өөрчлөгдөх: газрын хөрс урвах (хөрс эргэх), урвах хөрвөх [хоршоо] (а. Химийн бодис нэг байдлаас нөгөө байдалд шилжих; б. [шилжсэн] Үнэнч бус зан гаргах, туйлбартай бус байх - Бодоо, Чагдаржав хоёр урваж хөрвөөд сүйрсэн байсан ... Данзан л үлдсэн байж дээ. Л.Түдэв. Хувьсгал танаа өчье;

---

3. [шилжсэн] Өөрийн гэр орноос зайлж, өөр айлын болох: сэтгэл урвах (сэтгэл хувирах), айлд урвасан хүүхэд (өөрийн гэрээс урваж, айлын хүүхэд болох);

---

4. [шилжсэн] Дайсан этгээдийн талд орох, тэрслэх, шударга биш явах, хэлсэн үгнээсээ буцах: урван тэрслэгч (буруу сэтгэл өвөрлөгч), урван тэрслэх (эсрэг талд орох, туйлбартай бус байх), урвасан хулгай (үнэнч бус байгсад, нүүр буруулагсад), засаг төр урвах (засаг төр ард түмний хүсэл бодлоос эргэх, өөрчлөгдөх); урвах тэрслэх [хоршоо] (тэрс үйл ажиллагаа хийх, үнэнч бус зан, байдал гаргах).