Хэвлэх


2022-08-11 09:40:37http://mongoltoli.mn/

УРАГШ

1. Өмнө тийш, урд зүг рүү - Хошууны цэргүүдийг бүр урагш нь улаан бургасны зүг явуулав. С.Дашдэндэв. Улаан наран., урагш харах (өмнө зүг рүү харах), урагш хойш [хоршоо] (а. Өмнө тийш, умар тийш; б. Нааш цааш) - Эмээл дээгүүрээ тохож орхичхоод ганзагаараа даруулаагүй богц нь морины явдалд урагш хойш бондгонон явааг ч үл анзаарна. Д.Батбаяр. Цахилж яваа гөрөөс;


2. Давших зүг өөдөө, ухралгүй, чигээрээ: урагш алхах (чигээрээ алхах), урагш ахиулах (улам илүү болгох), урагш давших (ухралгүй, чигээрээ давших) - Эрдэнийн төрийн ажил удаан боловч урагш давшиж байжээ. Ч.Лодойдамба. Тунгалаг Тамир., урагш тэмүүлэх (ухралгүй чигээрээ явах) - Орилох ч биш ёолох ч биш хоолойгоо шахан гаслаад дахин урагш тэмүүлэв. С.Эрдэнэ. Өгүүллэгүүд;
3. Урьд, тэргүүнд - Нэг багахан гахай урагш ил гарч явахыг хараад буудав. Ж.Дамдин. Миний Монгол.

--oOo--