Хэвлэх


2024-03-29 07:53:49http://mongoltoli.mn/

УРАГ

1. Худ бололцсон хоёр айлын харьцаа: алтан ураг (Чингис хааны ургийн хүмүүс), ураг бололцох ~ ураг барилдах (эр эмийг холбож, худ худгуй болох), худ ураг болох (ураг бололцох), ураг таслах (ургийн холбоогоо таслах), ураг олон (төрөл садныхан) - Эцэг эх төрлийн ураг олны өмнөөс эндэхийн газар бараалхаж ирсний учир болбол... ААЗ., ураг садан [хоршоо] (а. Цусан төрлийн холбоо бүхий хамаатан хүмүүс; б. Худ ургийн холбоо) - Амраг янаг ураг садан болсны тул аливаа үйлст зовлон жаргаланг хамтатгаж ашид хамт их төрд минь зүтгэж алтан дэлхий дээрхийг нийгэмлэн хурааваас барав. В.Инжаннаши Хөх судар., ураг төрөл [хоршоо] (мах цусны холбоотой төрөл садан хүмүүс) - Ураг төрлийн барилдлагааг гутаахгүй. Ч.Лодойдамба. Тунгалаг Тамир., ураг төрлийн тогтолцоо (ураг төрлийн холбоог илэрхийлэн нэрлэх нэр томьёоны тогтолцоо), ураг угсаа [хоршоо] (төрөл садан, нэг угийн хүмүүс) - Чуулсан ураг угсаа, олон баатар ноёд байлдах хэргийг цэнгэл болгожээ. Замлин Сэнчиний намтар оршив., ураг удам [хоршоо] (хүн амьтны уг угсаа), ураг элгэн [хоршоо] (бүх хамаатан садан цөм), ураг тариг [хоршоо] (ураг төрөл), ураг тогтох [хуучирсан] (а. Хоёр этгээд хөвгүүн охин хоёроо эр, эм болгохоор хэлэлцэж тохирох; б. Эхийн умайд үр тогтох), ураг садны хол нь сайн, ус аргалын ойр нь сайн [зүйр цэцэн үг] (юм хэрэгцээтэй үедээ хэрэг болж байх гэсэн санаа), ураг доройтвол саднаа түшдэг, тураг доройтвол уулаа түшдэг [зүйр цэцэн үг] (ураг төрлөө үл гомдоох, ураг саднаа мэдэж байх гэсэн санаа).

--oOo--