1. Гараар юм урлах чадвар - Нарийн ур, дадлага туршлага шаарддаг нь мэдээж юм. Б.Нямаа. Арандалынхан., ур хийх (дарх хийх), ураа гаргах (ур чадлаа шавхан хийх) - Улаа бутарсан царайг нь бодож ухаа торгоор эмжээ билээ, удаан өмсөх эдэлгээг нь бодож ураа гарган шаглаа билээ. Д.Пүрэвдорж. Нар тойрсон зам., гарын уртай (гартаа дүйтэй), гарын уртай хүн (гартаа дүйтэй, юм урлахдаа сайн хүн), ур дарх [хоршоо] (урлах, дархлах чадвар), ур дүй [хоршоо] (урлах арга барил, урлах авьяас), ур чадал [хоршоо] (урлах чадвар) - Би өөрийнхөө ур чадлыг шалгаж байгаа дархан хүн байна. ААЗ., ур ухаан [хоршоо] (урлах чадвар хийгээд түүнийг бүтээх эрдэм мэдлэг) - Би хэдийгээр ухаан муу байлаа ч гэсэн ийм ажлыг хийх ур ухаан надад бий. В.Шарма. Таван сургамж;

---

2. Нарийн гоёмсог янз, хийц: ур оруулах (хийж буй зүйлдээ гоёмсог элдэв янз оруулах), ур муутай (хэв, хийц муу, болхи урласан), ур сайтай хатгамал (янз байдал гоёмсог, сайтар урласан хатгамал); ур хийц [хоршоо] (урласан янз байдал) - Аюуш бурхны ур хийц гоцыг гайхан магтавч баршгүй. А.Дашням. Хүрэндэлтийн хүүхэн;

---

3. Уран бүтээл: урын сан (уран сайхны өв, уран бүтээлийн хуримтлал).