1. Мордох, зайдлах: морь унах (морь уналгад хэрэглэх) - Унасан морины толгойг хазаарын хүчээр эргүүлэв. Ц.Дамдинсүрэн. Гологдсон хүүхэн., улаа унах (улаа хэрэглэх) - Сул залан Цэрэндаш, тайж Дандарыг улаа унах тэмдэгт бичиггүй зоргоор дорд ардыг чирэгдүүлэв. Ардын заргын бичиг., *унах моринд нь ташуур болох (тусалж, дэмжих гэсэн санаа), унасан бух ч үгүй, уулын буга ч үгүй болох [зүйр цэцэн үг] (юу ч үгүй хоцрох гэсэн санаа), унасан морь нь эцгийн, ухаан бодол нь өөрийн [зүйр цэцэн үг] (хүний өмнөөс хүн амьдардаггүй гэсэн санаа), унах морьгүй, унагаах ямаагүй [зүйр цэцэн үг] (туйлын ядуу, хоосон гэсэн санаа) - Над шиг унах морьгүй, унагаах ямаагүй хүн бол өөрөө л хохирохоос өөр олз олохгүй сална. Ч.Лодойдамба. Тунгалаг Тамир., унаж эцээхээр, уяж эцээ [зүйр цэцэн үг] (унаа морио гамна гэсэн санаа);

---

2. Жолоодох, залж явах: дугуй унах (моторгүй, хөлөөр жийдэг дугуй хэрэглэх), машин унах (машин барих, машин жолоодох).