1. Юмыг залгамжлан авах, залгамжлах: үе улиран уламжлах (үеэс үед дамжуулан авах зүйл), эцгийн ажлыг уламжлан авах (эцгийн ажлыг өвлөн авах, залгамжлан хийх) - Эцэг өвгөдийнхөө үеэс уламжилсан заншил ёсоор хийцгээв. “Цог” сэтгүүл;

---

2. Цааш дамжуулах, дуулгах, дээш нь дамжуулах, дуулгах - Жамухын эдгээр үгийг Хасар, Бэлгүдэй хоёроос Тэмүжин сонсоод Тоорил ханд уламжлав. Монголын нууц товчоо., уламжлан асуух (дамжуулан асуух), уламжлан хэлүүлэх (дамжуулан хэлүүлэх), бичгээр уламжлах (бичгээр мэдүүлэх), зарлиг уламжлах (а. Зарлиг дуулгах, б. Зарлигийг дамжуулах), санал уламжлах (саналаа дээд газарт мэдүүлэх) - Ардын засгийг байгуулах саналаа уламжлан мэдүүлэв. Н.Батбаяр. Өндөрт хатгасан туг., сумын захиргаагаар уламжлан явуулах (сумын захиргаанд дуулган, захиргаа цааш нь мэдэгдэх);

---

3. Ямар нэг нөхцөл байдлаас үүдэх: байгалийн аюулаас уламжлан (байгалийн аюулаас үүдэн), үүнээс уламжлан (үүнээс үүдэн) - Үүнээс уламжлаад төрсөн нутгаа би цагаан чулуутайгаа адилтган бодож үзлээ. Д.Нямаа. Тэмээчний нутаг.