1. Уйтгарлах, хийх юмгүйд сэтгэл амаргүй болох: уйдаж үхэх (баяр хөөр, зугаа цэнгэлээр ихэд дутах), зүрх уйдах (ганцаардах), бие биеэсээ уйдах (нэг нэгэндээ дургүй болох, нэг нэгнээсээ залхах), аминаасаа уйдах (амьд явах хүсэлгүй болох), орчлонгоос уйдах (үхэхийг хүсэх) - Өөрийн шинжсэн амрагтай хойно орчлонгоос юунд уйдах вэ? Д.Равжаа. Зохиолын эмхэтгэл., ганцаардаж уйдах (ганцаардсанаас сэтгэл санаа тавгүйрхэх) - Ганцаардаж уйдах явдал чиг тохиолдоно. С.Эрдэнэ. Хонгор зул., уйдалгүй харж, унталгүй хичээж, салалгүй сахиж, сааталгүй дагах [зүйр цэцэн үг] (хичээнгүйлэн асрах, дотно нөхөрлөх, идэвх оролдлоготой байх гэсэн санаа);