1. Үхэгсдийн хойноос гашуудах эмгэнэл: уй гашуу [хоршоо] (нас барсан хүний араас эмгэнэх нь) - Андынхаа амин дээр байж уй гашуу болон гэсэн чинь харин найр наадамд ирсэн юм шиг хөгжөөнтэй болдог байна. С.Эрдэнэ. Өвгөн шувуу., уй гашуу болох (гашуудан эмгэнэх), уй тайлах (а. Бэлэвсрэл гашуудлын хоногийн тоо дуусах; б. Эмгэнэл зовнилыг тайтгаруулах), уй хай [хоршоо] (ихэд уйлж хайлах чимээ), уй хай болох (олуул их дуу гарган уйлах), уй хийх (гашуудан салах ёс хийх), уй гашуу ухаан бардаг, уйтгар гуниг бие бардаг [зүйр цэцэн үг] (уй гашуу, уйтгар гуниг туйлын хэцүү гэсэн санаа);

---

2. Сэтгэлийн гуниг харуусал: уй гуниг [хоршоо] (сэтгэл санааны туйлын хэцүү байдал, уйтгар гуниг) - Чи ингээд л уй гунигт дарагдаад явбал чиний бүх л зорилго талаар өнгөрөх болно. Л.Дашням. Нялх ногоо.