1. Юмны зүй зохисоор таарсан буюу ар араасаа залгалдсан байдал: угсраа толгод (залгалдан тогтсон толгод), угсраа тэрэг (ар араас нь залгуулан өрсөн тэрэг) - Нэргүй, бүсээ явуут бүслээд шургааг хашааны араар нуугдасхийж хэд алхтал олон угсраа тэрэгний тэнд унтаж байсан нохой нь цочин босож ирэв. З.Баттулга. Уяхан замбуутив;

---

2. Ар араасаа өрнөсөн үйл явдал: угсраа мэх (а. Бөхийн барилдаанд ар араас нь залгуулан хийх мэх; б. [шилжсэн] Бусдыг дараа дараагаар мэхлэх арга заль), угсраа үйл явдал (ар араасаа болсон үйл явдал) - Хэдэн зуун үхэр тэрэг угсраа угсраагаар зам хөндөлсөж зогсоно. М.Чимэд. Алтан номын үсэг., хоёр кино угсраагаар гарах (хоёр кино дараалан залгаж гарах);

---

3. Тоног төхөөрөмжийг нийлүүлэн тохируулсан байдал.