1. Туслан дэмжих, харгалзан үзэх, тэтгэмж үзүүлэх: өндөр настныг тэтгэх (өндөр настныг халамжлах, туслан дэмжих), хүүхдийг тэтгэх (хүүхдийг асран халамжлах), ядуусыг тэтгэх (ядууст туслах, тэтгэмж үзүүлэх), харгалзан тэтгэх (анхааран үзэж тусалж дэмжих) - Эрхэм дүүгийн харгалзан тэтгэхийг хүснэ. Ш.Нацагдорж. Мандхай цэцэн хатан., тэтгэх дэмжих [хоршоо] (туслан дэмжих, асран халамжлах), тэжээх тэтгэх [хоршоо] (тэжээж өсгөх, асрах), туслах тэтгэх [хоршоо] (туслан дэмжих), өргөх тэтгэх [хоршоо] (бусдад тус дэм болох, асрах);

---

2. Дэм болох, дэмнэх - Залуу эрд алгуурхан ойртож ёжлонгуй инээмсэглээд тохойноос нь тэтгэн босгов. З.Баттулга. Уяхан замбуутив., настныг моринд нь тэтгэн мордуулах (настанд дэм болон моринд мордуулах);

---

3. Өршөөх: өршөөн тэтгэх (нигүүлсэн энэрэх, ивээх), тэнгэрийг тэтгэсэн [түүх] (Манжийн Чянь лун хааны үе буюу 1736-1796 он);

---

4. Асрамжлах, халамжлах: асран тэтгэх (асран халамжлах, хүмүүжүүлэх), тэтгэн тэнхрүүлэх (халамжлах, санаа тавих, элбэрэн ачлах) - Өвчин үгүйрэл хоёрт нэрвэгдсэн хөөрхий хүнийг тэтгэн тэнхрүүлэх шиг сайхан юм юу байх билээ гэж бодно. Д.Намдаг. Цаг төрийн үймээн;

---

5. Мэдлэг боловсролоо дээшлүүлэх;

---

6. Юм бичих зуур балласан үсгээ дахин сэргээх тэмдэг тавих.