1. Мурийж атираагүй, нугаларч үрчийгээгүй шулуун, толигор юм: тэнэгэр арьс (толигор арьс), тэнэгэр даавуу (үрчгэр биш толигор даавуу), тэнэгэр тавих (дэлгэж татаж тавих), *нуруу тэнэгэр (санаа зовох зүйлгүй), тэнэгэр мод [ургамал] (иш маш шударга, өндөр нь хос алд илүү нэг зүйл мод);

---

2. Эрхтэн мөч шулуун: тэнэгэр нуруу (эгц шулуун нуруу);

---

3. [шилжсэн] Айх зовох явдалгүй, санаа сэтгэл тавиун, амар төвшин: тэнэгэр амьдрах (айж ичиж санаа зовох зүйлгүй амьдрах), бодол тэнэгэр (бодол төвшин, амгалан), сэтгэл тэнэгэр (сэтгэл дүүрэн, хангалуун) - Сэтгэл тэнэгэр алхсаар ирэв. С.Эрдэнэ. Холбоо гурван тууж;

---

4. Тал нутгийн уудам саруул: тэнэгэр уудам ~ уудам тэнэгэр [хоршоо] (өргөн уудам, зах хязгааргүй мэт чөлөөтэй тавиун) - Тэгээд одоо Данзан энэ уудам тэнэгэр талын нам гүмийн дотор бодвоос лав учир олдоно гэж бодохоос гадна түүнээ бодохгүй явж чадахгүй байв. Д.Намдаг. Цаг төрийн үймээн., тэнэгэр уужим ~ уужим тэнэгэр [хоршоо] (тэнэгэр уудам).