1. Үйл хэрэг, хүсэл зорилгоо хэрэгжүүлэхийн төлөө мэрийн зүтгэх, бэрхшээлийг даван туулах - Зовж зүдэрсэн Монгол оронд тусгаар улсыг байгуулах гэж манай шилдэг хүмүүс тэмцэн босоод алтан амиа өгч байсан юм. Ч.Лодойдамба. Тунгалаг Тамир., амьдрахын төлөө тэмцэх (аж төрөх, амьдрахын төлөө зүтгэх, чармайх), засгийн эрхийн төлөө тэмцэх (засгийн эрхийг гартаа авахыг эрмэлзэн зүтгэх), сайн сайхны төлөө тэмцэх (сайн сайхныг бий болгохыг эрмэлзэн чармайн ажиллах), ядуурлын эсрэг тэмцэх (ядууралгүй болохын төлөө янз бүрийн үйл ажиллагаа явуулах), байлдан тэмцэх (тулалдан байлдаж ялахыг эрмэлзэх), булаалдан тэмцэх (бие биеэсээ өрсөн авах гэж тэмцэх), буруушаан тэмцэх (эсэргүүцэн тэмцэх), жанчилдан тэмцэх (зодолдон тэмцэх), зэвсэг барин тэмцэх (байлдах, тулалдах), харилцан эсэргүүцэн тэмцэх (нэг нэгнийхээ эсрэг тэмцэх), эвдрэлцэн тэмцэх (хагарах, бутрах, эв нэгдэлгүй болох), тэмцэн олох (а. Байлдан эзлэх, тулалдан олох, байлдан дагуулах; б. Хүч чадлаа шавхан мэрийсний дүнд зорилгодоо хүрэх), тэмцэн орох (хүчээ гарган орж ирэх), тэмцэн ялах (а. Тулалдсаны эцэст ялалтад хүрэх; б. Зорилгодоо хүрэх), *дөрөө тэмцэх (а. Морь мал мордуулахгүй зайлах; б. [шилжсэн] Арай ядан явсаар нутагтаа ирэх);

---

2. Харилцан маргах, үг булаалдах, мэтгэлцэх: хэрэлдэн тэмцэх (эв эе эвдрэн үг булаалдан өрсөлдөх);

---

3. Хүч, авьяасаа сорих: аваргын төлөө тэмцэх (аварга болохын төлөө өрсөлдөх);

---

4. [шилжсэн] Машид хүсэмжлэх, тэмүүлэх - Алс дэнжийн хөтлөөр алхлан бараадсаар айсуй аж, амрагаа гэсэндээ тэмцэн хүрээд ирэв үү. Д.Равжаа. Зохиолын эмхэтгэл., гэрийн зүг тэмцэх (гэрийн зүг тэмүүлэх), нутгийн зүг тэмцэх (нутгийн зүг тэмүүлэх);

---

5. [шилжсэн] Бачимдах, зовуурилах: *амь тэмцэх (а. Амьсгал давхцах; б. [шилжсэн] Үйл явдалд ихэд мэгдэн, яарч сандран байж ядах) - Өдийд өдрийн ээлжийнхэн ирж байгаа даа гэж бодохоос амь тэмцэх шиг болно. Ч.Чимид. Хавар намар;

---

6. [шилжсэн] Харгис хэрцгий хүнийг олон түмнээр илчлүүлэн ялыг нь тоочуулах: хувьсгалын эсэргүү тэмцэх (хувьсгалт ололтын эсрэг босох).