1. Юмыг өвчүү чээжиндээ тулган хоёр гараа зөрүүлж барих - Ээж хүүгийнхээ толгойг аргадангуй илээд, тэврэн үнсэж, цүнхнээсээ чихэр гарган өглөө. Л.Дашням. Нялх ногоо., өвчүүгээ тэврэх (элгээ тэврэх), элгээ тэврэх (а. Хоёр гараа элэгний тус газар зөрүүлэх - Энд бас эгэл эх нулимсаа асгаруулан элгээ тэвэрч зогсоно. Ч.Алагсай. Алтайн зам; б. [шилжсэн] Зүгээр суух, залхуурах; в. Бээвийх бээцийх - Элгээ тэврээд газар ахиж өгдөггүй мөөгний хятад шиг золиг биш байгаа даа. Ч.Лодойдамба. Тунгалаг Тамир), *элгээрээ газар тэврэх (а. Ядарч зүдэрч тартагтаа тулах; б. Бусдад хууртан юу үгүй хоцрох) - Ингэж байтал нэг өдөр Эрдэнэ хүрээд ирвэл би элгээрээ газар тэврээд хоцорно шүү дээ гэдэг сүрхий юм бодогдон Долгорт өгсөн сэтгэлээ хурц сүхээр нэгмөсөн тасалмаар санагдана. Ч.Лодойдамба. Тунгалаг Тамир;

---

2. Хүүхдийг өргөн авч чээжиндээ тулган барих: хүүхэд тэврэх (хүүхдээ чээжиндээ наан барих);

---

3. Хүнийг хоёр гараар биедээ шахан барих: араас нь тэврэх (ар нуруунд нь тулан, гараа зөрүүлэн тэврэх).