1. Яарч сандрах, бачимдах - Хүн малын ингэж яарч тэвдэхийн зэрэгцээ үе үе нарны халаах нь улаан төмрөөр хайрах шиг амь тэмцүүлнэ. Т.Дэчингунгаа. Өөдрөг зам., айж тэвдэх (айж сандрах, айж бачимдах), шалгалтад тэвдэх (шалгалтад сандрах, тулгамдах), сандрах тэвдэх [хоршоо] (а. Айж цочсоноос учраа олохгүй байх; б. Ажил хэргийг гүйцэтгэхэд туршлагагүйн улмаас балмагдан мэгдэх), тэвдэхийн үед төрлийн сайн ялгарна, сандрахын цагт садны сайн танигдана [зүйр цэцэн үг] (зовох цагт нөхрийн чанар танигдана гэсэн санаа);

---

2. [шилжсэн] Хүч чадал мөхөстөх: тэвдэж амьдрах (арайхийн амин зуулгаа олох);

---

3. [шилжсэн] Эд зүйл дутагдаж зүдэх;

---

4. [шилжсэн] Ажил явдалд түүртэн учраа олохгүй байх - Эндхийн малчдыг харахад мал богино хугацаанд бөөнөөрөө төллөв гээд нэг их сандарч тэвдэх явдалгүй юм. Б.Бааст. Алтайн хөх дөнөн.