1. Юманд тулгаж налуулах: хаалга түшүүлэх (хаалга налуулж тавих) - Саваагаар хаалга түшүүлэх нь “Энэ айл эзэнгүй” гэсэн тэмдэг болно. Б.Бааст. Алтайн хөх дөнөн., ширээ түшүүлэх (ширээ налуулах), *өвчүүнд түшүүлэх (ихэд санаа тавьж хичээнгүйлэн хандах);

---

2. [шилжсэн] Хэн нэгнийг бараадуулах, ханьсуулах: айлын хаяа түшүүлэх (түшиг тулхтай айл бараадуулах) - Ганц дүүгээ сайн айлын хаяа түшүүлж орхисноо мэдэж авснаар хамаг хэрэг нь бүтэх шиг санагдлаа. Б.Нямаа. Арандалынхан., хот түшүүлэх (хот бараадуулах) - Одоо чинь багачуулыг эртнээс хот орон газар түшүүлэх нь зөв гэлцэх юм. Л.Дашням. Бурхантын цэцэг;

---

3. [хүндэтгэл] Өргүүлэх, бариулах: сөн түшүүлэх (сархад хундагалан өгүүлэх, бариулах) - Ноёдоор хундага түшүүлж, түшмэдээр сөн түшүүлж, далайн цаанаас авч ирсэн дарс уугаад наргиж байв. Ц.Дамдинсүрэн. Түүвэр зохиол.