1. Түрэх үйлийн үр дүнг заасан нэр - Ингээд ээлжээр манаж хоноё гэж Болд санал гаргасан боловч хаалт нь үнэхээр олон загасны түрэлтийг даахгүй задарсан бол манасан больсны ялгаагүй гэлцээд, тарган тулын шөлөндөө дийлдэн таг унтацгаажээ. С.Эрдэнэ. Өвгөчүүл., түрэлт багасах (түрэх явц багасах), түрэлт ихсэх (түрэх явц ихсэх), түрэлтийн ган (ус түгээгүүрийн сүлжээнд усны түрэлт буй болгож түүнийг тогтоон барих ган);

---

2. Дайралт, шахалт - Манай монголчууд хятад хаадын түрэлтийг няцаан барьж байсны ачаар Цагаан хэрэм хятад хаадын санасан ёсоор зоргоор газар авч чадсангүй. Ш.Нацагдорж. Мандхай цэцэн хатан., цэргийн түрэлт (цэргийн дайралт, дайран орж ирэх нь).