1. Тус болох, тус хийх, тус үзүүлэх - Монголчуудын мэндчилгээ нь өөр хоорондоо сайхан санаж, туслан дэмжиж явахын утга бэлгэ зөгнөсөн мэнд юмаа. Х.Нямбуу. Хамгийн эрхэм ёсон., ажилд нь туслах (ажилд нь тус болох), ахдаа туслах (ахдаа тус болох), хүчин туслах (хүчээ өгөх зүтгэх), туслан нийлүүлэх (ямар нэг эд барааг тус болгон нийлүүлэх), туслан олгох (тус болгон олгох), туслан тэтгэх (тус болгон харж үзэх, энэрэн тэтгэх), туслах хэл (нийгмийн харилцааны аль нэг хэсэгт үйлчилдэг зохиомол хэл), туслах дэмнэх [хоршоо] (тус дэм болох), туслах дэмжих [хоршоо] (бусдын ажил үйл, амьдрал ахуйг урамшуулан тэтгэх, бусдад тус дэм болох), тусалбал тууштай нь, болзвол бодитой нь [зүйр цэцэн үг] (тус хийвэл дуустал нь гэсэн санаа);

---

2. Сайн дураар юм өгч, нэмэр хандив болгох - Нутгийн ардууд гэр, майхан өгч тусалж байв. Д.Гонгор нар. Д.Сүхбаатарын тухай дуртгалууд., мөнгө төгрөгөөр туслах (мөнгөөр нэмэр болох, мөнгөөр дэм үзүүлэх), унах мориор туслах (унах морь өгч тус болох), хандив өгч туслах (тухайн ажил хэрэгт мөнгө төгрөг болон эд зүйл хандив өргөн тус болох);

---

3. Хавсарга болох: туслах чанарын аж ахуй (дагалдах, хоёрдугаар зэргийн аж ахуй), туслах үйл үг [хэл шинжлэл] (нийлмэл өгүүлбэрийн бүрэлдэхүүнд орж, тухайн үйл буюу байдлыг чухам хэзээ болсон, болж байгаа, болох цагийг заах үйл үг), туслах үйлдвэр (хавсарга үйлдвэр), цэргийн хэлтсийн туслах (цэргийн хэлтсийн ажил хэрэгт туслах ажилтан).