Мөн, энэ, тус бүр, өөр өөрийн: тус бүр нь (тус тусдаа, салангид нэг нэгээрээ), тус гудамж (мөнхүү гудамж) - Жагссан цэргүүд жигдэрч, тус гудамжаар зүүн зүг тоос манаруулан одов. Ц.Дамбадорж. Толбо нуур., тус орны (энэ орны, мөн орны), тус улсын иргэн (тухайн улсын иргэн), тус тус [хоршоо] (а. Хувь хувьдаа, тус бүр - Үнэнтөр Аргасун хорголж эзний ордны буудлыг сахин харгалз хэмээн тус тусад нь цөм тогтоон зарлаад, тэмээний цагаан зөгийн зулаар гэрэлтүүлэн тэмдэг болгов. В.Инжаннаши. Хөх судар; б. Өөр өөр, тусгай тусгай, анги анги), тус тусдаа амьдрах (өөр өөрийн амьдралаар салангид амьдрах), тус тусдаа бодох (бүгд өөр өөрийнхөөр бодох) - Өөрийн эрхгүй цэрэгт албаар татагдсан хүмүүс тус тусдаа нэгийг бодсоор унтацгаав. Ж.Дамдин. Үймээний жил., хариуцлагаа тус тусдаа хүлээх (хариуцлагаа өөр өөрсдөө хүлээх), тус тусын (өөр өөрийн), тус тусын үүрэгт ажлаа хийх (өөр өөрийн ажил үүргээ гүйцэтгэх), тус бие (миний бие, өөрийн бие), тусдаа (ангид, салангид) - Нэгдэлд ор гэхээр амандаа ус балгасан юм шиг дүнсийн суух хүн олон бөгөөд нутаг усаа ялгах зан гаргаж хэрэв нэгдвэл тусдаа нэгдэл байгуулна гэнэ. С.Эрдэнэ. Малын хөлийн тоос.