1. Амьтны бие том байдал - Эрдэнийн чон хүрэн морь нь туулай сайхан зоотой, тураг сайхан биетэй. Халх ардын тууль., тураг ан (агнуурын хандгай, буга, согоо зэрэг ойн том туурайтан амьтан), тураг шувуу (том шувуу), тураг мал (бод мал), тураг шувуу нисэж хүрэхгүй, туурайт морь давхиж хүрэхгүй газар [зүйр цэцэн үг] (маш хол орших газар гэсэн санаа), тураг шувуу ядрахдаа ууландаа, толиур хүн ядрахдаа урагтаа [зүйр цэцэн үг] (ядрах цагт ураг төрлийн хүмүүс тус болдог гэсэн санаа), тургийн зэрэг биетэй, тугалын зэрэг ухаантай [зүйр цэцэн үг] (ухаан муутай, мулгуу, мунхаг гэсэн санаа), тураг гөрөөс [амьтан] (буга, согоо), тураг загалмай [амьтан] (начин харцгайн нам болох нэг зүйл шувуу, туулай зэргийг барихдаа сурамгай), тураг солонго [амьтан] (шар, цагаан, алаг өнгөтэй бяцхан солонго), тураг тас [амьтан] (харцгайнхан овгийн бие томтой, жигүүр сүүл бараан бөгөөд гялбалзам өнгөтэй шувуу, сумны зэрэг зэвсэг өдлөхөд өдийг нь хэрэглэнэ), тураг хэрээ [амьтан] (хүзүү алаг, бие их нэг зүйл хэрээ);

---

2. Ургамлын өндөр, бүдүүн, том нь: тураг мод (том мод), тураг сараана [ургамал] (цэцэг улаан өнгөтэй, иш навч цөм ногоон, хээр газар ургадаг нэг зүйл ургамал), тураг тарнай [ургамал] (чагталсан навчтай, шаравтар цагаан цэцэгтэй яст жимстэй тураг мод, үрээс авах тосоор саван хийнэ), тураг зүлгэн чимэг [ургамал] (ёзоороосоо ургасан том навчтай, хөхөвтөр цэцэгтэй, хонгорцогт жимс суудаг, үндэс нь эмэнд ордог олон наст өвслөг ургамал);

---

3. Ясгүй, эх биеийн хар мах: тураг мах (амьтны толгой, шийр, гэдэс дотроос бусад мах), тураг хоол (махан хоол).