1. Юмыг багцаалан мэдэх, тоймлох - Мөн хүний харцаар санаа бодол, зан араншинг нь тааварлан төсөөлж чаддаг хүн байлаа. С.Эрдэнэ. Хонгор зул., төсөөлж байх (тоймлон мэдэж байх, багцаалж байх), төсөөлж бодох (урьдчилан барагцаалж бодох, ургуулан бодох) - Хорин таван жилийн өмнө амьдран сууж байсан Бүрэн сумаа төсөөлөн бодохыг Даваа хичээв. Д.Мягмар. Нэгэн байшингийн тууж., төсөөлж санах (ургуулан бодох, санаандаа багцаалах), төсөөлөн тодорхойлох (учрыг нь мэдэх, учрыг нь олох);

---

2. Юмыг муухан мэдэх, чадах - Тал газрын охин тул моринд эрэмгий, харвах намнахыг мөн төсөөлнө. Ш.Нацагдорж. Мандхай цэцэн хатан., бичиг үсэг төсөөлөх (бичиг үсэг гадарлах), гадаад хэл төсөөлөх (гадаад хэл гадарлах).