Эрхий хурууны үзүүрээс дунд хурууны сунгасан үзүүр хүртэлх хэмжээ: төө зузаан (төө хэмжээтэй зузаан), төө хэрийн өргөн (бараг төө шахуу өргөн); төө хүү [үлгэр] (хуруун чинээ хүү), *төө зайгүй (маш дотно), төө зайгүй нөхөрлөл (маш дотно нөхөрлөл) - Сайн явж ирэв үү, эцгийн чинь төө зайгүй түнш байна. Б.Нямаа. Арандалынхан., төө сөөм [хоршоо] (өчүүхэн жижигхэн) - Төө сөөм уруултай тохмын чинээ гэдэстэй. Халх ардын тууль., төө чий [хоршоо] (а. Уртын хэмжээ; б. Юмны хэр хэмжээ) - Төмрийн дархан төө чийг нь тохируулсан. Гэрийн ерөөл., төө ямх [хоршоо] (маш жижигхэн) - Түүний төө ямхын модыг өндөр асрын нуруун дээр тавив. В.Инжаннаши. Хөх судар., төө самбаа төлөгний олзгүй [зүйр цэцэн үг] (овсгоо самбаа муутай, ажил үйлс урагшгүй гэсэн санаа), төөн дээр сөөм нэмэх, тоон дээр тос нэмэх [зүйр цэцэн үг] (ядаж явахад нь нэрмээс болох гэсэн санаа).