1. Хүн ба юмны янз байдал, дүр төрх: алсын төлөв (хэтийн зорилго), бараг төлөв (их төлөв), гол төлөв (их төлөв), их төлөв (ихэнх нь, дийлэнх нь), хэтийн төлөв (алсын, ирээдүйн байдал), ерөнхий төлөв (ерөнхий байдал), засрах төлөв (засрах янз байдал), хөгжин дэлгэрэх төлөв (юмны хөгжин дэлгэрэн янз байдал); бие төлөв [хоршоо] (а. Хүний байр байдал, юманд хандах хандлага; б. Хүний гадаад төрх), байр төлөв [хоршоо] (а. Юмны янз байдал, дүр төрх; б. Хүний юманд хандах хандлага, үзэл бодол), дүрс төлөв [хоршоо] (дүр төрх, царай), учир төлөв [хоршоо] (а. Юмс үзэгдлийн нөхцөл шалтгаан; б. Юмс үзэгдлийн байр байдал, дүр төрх), төлөв байдал ~ байдал төлөв [хоршоо] (юмны янз байдал, шинж төрх) - Холхи хязгаарын байдал төлөвийг хянан мэдэж сайнаар сэргийлэн улмаар захидал сэлт бичиж мэдэгдэж байхыг захижээ. Л.Түдэв. Хувьсгал танаа өчье., маяг төлөв [хоршоо] (юмны янз байдал);

---

2. Хүний ухаан томоо - Оросууд энгийн хүмүүстэй уулзаж учрахдаа номхон төлөв зантай нь тун ч баярламаар ажээ. С.Дашдэндэв. Улаан наран., төлөв зэхий (хүний зан авир тогтворгүй), төлөв томоо (төлөв төвшин), төлөв хүн (томоотой, төвшин хүн), төлөв гаргах (хэрэг явдлыг ерөнхий байдлыг нь тодруулах), төлөв томоо [хоршоо] (намба, төвшин байдал, тохь томоо) - Нас тогтож, төлөв томоо суужээ. А.Дашням. Өлзийнарангийн өчил., намба төлөв [хоршоо] (хүний төвшин дөлгөөн зан, ухаан томоо), зан төлөв [хоршоо] (хүний ааш араншингийн багцаа, дүн нуруу), даруу төлөв [хоршоо] (зан байдал аядуу зөөлөн, тогтуун);

---

3. [хэл шинжлэл] Үйл үгийн баймж утга илрүүлэх хэлзүйн ай; 5. Ямар нэгэн систем доторх адилхан бүрэлдэхүүнтэй ба адилхан шинж чанартай бодисын хэсэг.