1. Хөдөлгөөний дөлгөөн намжуун байдал: тогтуун урсгалтай гол (дөлгөөн намжуун урсгалтай гол);

---

2. Тогтвортой, суурьшилтай байдал; мал тогтуун идээшлэх (мал нэг газраа тогтвортой тайван идээшлэх);

---

3. Номхон, дөлгөөн - Догшноор сайн болдоггүй, уужим тогтуун зангаар хүний боол болдоггүй, далай ламын адисаар даяараа хамт жаргая. Д.Равжаа. Зохиолын эмхэтгэл., тогтуун яриатай хүн (аядуу зөөлөн яриатай хүн), тогтуун хүн (тохьтой, буурь суурьтай хүн), амгалан тогтуун [хоршоо] (дөлгөөн намуун, эелдэг) - Тогоохүүгийн тэрхүү амгалан тогтуун төрх, буугаад мордох хүний сэтгэлийг ч өег болгодгийг Дамба анзаарчээ. Д.Батбаяр. Цахилж яваа гөрөөс;

---

4. Тайван төвшин хэвийн байдалтай - Айлуудын утаа тогтуун цэлмэг агаарт хөшиглөн тунарч байлаа. Б.Нямаа. Арандалынхан., тогтуун өдөр (салхи шороо байхгүй, налгар өдөр), тайван тогтуун ~ төвшин тогтуун [хоршоо] (амгалан, дөлгөөн), налгар тогтуун [хоршоо] (тайван сайхан, амар амгалан).