1. Хувирал хөдлөлгүй, урсгалгүй, байнга: тогтмол нуур (гадагшаа урсгал байхгүй нуур), тогтмол ус (а. Гадагшаа урсгалгүй ус; б. Тогтоол ус) - Хавар цагийн цас, мөсний хайланги тогтмол ус унд болохдоо муу байдаг. Ж.Самбуу. Мал маллагааны арга туршлага., тогтмол хар ус (үндсэн голоосоо бүрэн болон бүрэн бус тусгаарласан байнга устай хуучин голдрил), тогтмол хэмжигдэхүүн (үл өөрчлөгдөх хэмжигдэхүүн);

---

2. Тогтсон тоо хэмжээ, цаг хугацаанд байнга давтагдмал - Малыг хужир, шүү зэрэг эрдэс тэжээлээр тогтмол хангаж байвал захина. Ж.Самбуу. Мал маллагааны арга туршлага., тогтмол бус (байнгын биш, алдаг оног), тогтмол бус орлого (байнгын бус орлого), тогтмол бус цалин (тогтмол авдаггүй, хийснээрээ авдаг цалин), тогтмол цагт (ямар нэг тогтсон цагт), тогтмол цалин (хэмжээ нь өөрчлөгддөггүй, тогтсон цаг хугацаанд буудаг цалин), тогтмол хугацаанд ирэх (хэвшиж заншсан хугацаандаа ирэх), тогтмол хэвлэл (товлосон хугацаанд гардаг хэвлэл), тогтмол явах (байнга явах), тогтмол хичээллэх (ямар нэг спортын төрлөөр тасралтгүй байнга хичээллэх).