Өнгө хөхөвтөр, хүзүү хөл урт, сүүл шувтан, хос хосоор явах олон зүйл шувуу - Саяхан дулаан орноос ирсэн тогоруу шувуу ганц нэгээрээ болон хосоороо ихэмсэг алхах нь урт хөлөөрөө уудам талын арвиныг хэмжих мэт. Ш.Нацагдорж. Мандхай цэцэн хатан., тогоруун цуваа (ар араасаа цувран нисэх тогоруун сүрэг), цэн тогоруу [амьтан] (нэгэн зүйл тогоруу) - Цэн тогорууд хээр талд цугларч үдшийн бүрийгээр дуугаралдана. Д.Найманжин. Оломгүй далай., тогоруу шиг алхах (ихэд гоёмсог, ихэмсэг цэмцгэр байдалтай алхах) - Тогоруу шиг цэмцгэнэн алхсаар ирэв. Б.Бааст. Хяруу унасан цагаар., *тогорууны нүд шиг (жижигхэн) - Эх орон алтан өлгий болсон ёстой л “тогорууны нүд шиг” тоймгүй олон жижигхэн тунгалаг цэнхэр нууруудтай, ногоон хилэн шиг нутгаа Их овоо гэдэг овоотой гүвгэрээс зүг бүр тийш харахад хэчнээн сайхан байдаг билээ. Б.Бааст. Хоёр хун., тогоруу мэт тохилзон бүжиж, тоодог мэт дайвалзан алхах [зүйр цэцэн үг] (бялдуучлах, зусардах гэх мэт санаа), тоодог муухай, тогоруу хөөрхөн, цамаа харай, цамаа харай (тогоруу хараад хэлэх үг).