Шаравтар болон хүрэн бор өнгийн үстэй сүүн тэжээлтэн мэрэгч амьтан: тарвага агнах (тарвага алахаар явах), - Гэртээ хэдэн тарвага алж өгөөд, ганц унаагаа унаж партизан цэрэгт элссэн юм. Ц.Дамдинсүрэн. Түүвэр зохиол., тарвага ичих (өвөл тарвага нүхэндээ орж хавар болтол унтах), тарвага утах (тарваганы нүхэнд май тавьж тарвага агнах), тарваганы зусаал (тарвага халуун дулаан цагт байрлаж өсөж үржих олон амсартай дош), тарваганы ичээ (тарвага орж унтан өвлийг өнгөрөөдөг нэг амсартай, мухартаа өвсөн хучлага дэвсгэр бүхий гүн нүх), тарваганы арьс (тарваганы биеэс салгаж авсан арьс), тарваганы тос (тарваганы өөхнөөс гарган авсан тос), тарвага гөрөөс [хоршоо] (ан гөрөө) - Талын сайхан зэрэглээнд тарвага гөрөөсийг намнаж явлаа. Монгол ардын уртын дуу., тарвага зурам [хоршoo] (талын мэрэгч амьтад), тарваган тахал [анагаах] (мэрэгч амьтан тарваганаас хүнд халдварлан тусах цочмог халдварт өвчин), тарваган тахал тусах (тарваган тахал өвчнөөр өвдөх), тарвага алаад баяждаггүй, тамхи татаад хоосордоггүй [зүйр цэцэн үг] (ялих шалихгүй юмаар хөөцөлдөөд ашиг гарахгүй, бага сага гарз гарснаар хоосордоггүй гэсэн санаа), тарвага шиг таргалж, тахиа шиг өндөглөх [зүйр цэцэн үг] (сайн сайхан амьдрах гэсэн санаа), тарваган шийр [ургамал] (а. Буурцагтан овгийн гурвалсан навчтай, шар цэцэгтэй эмнэлэгт хэрэглэх олон наст өвс; б. Мөнхүү ургамлаар хийсэн эм: тарваган шийр уух (тарваган шийрээр хийсэн эмийг уух);

---

2. [шилжсэн] Жижиг: тарваган хүн (а. Өсөлтийн эмгэгтэй одой хүн; б. [доромж] Намхан хүн).