1. Цугласан бөөгнөрсөн зүйл зүг зүг тийшээ явах, тархай болох: тарж бутрах (цугласан олон зүг зүг рүү сарних), тарж одох (сарнин одох), хонь тарж бэлчих (хонь энд тэндгүй тархан бэлчих), талаар нэг тарах (цугласан бөөгнөсөн зүйл зүг бүр тийш сарнин замбараагүй болох), бутран тарах (нэг газар бөөгнөрөн байснаа зүг бүр лүү салах);

---

2. Олны хуралдсан, цугласан нь дуусах, төгсөх - Өдөр турш нойтон ширтэй ноцолдож нэг мэдэхнээ орой ажил тарах болсон байв. Г.Жамьян. Гал атгасан гар., ажил тарах (ажил дуусах), хурал тарах (хурал хуралдаад дуусах), хичээл тарах (хичээл хийж дуусах), хурал цуглаан тарах (хурал цуглаан дуусах), наадам тарах (наадам дуусаж хүмүүс зүг зүг рүү салан одох);

---

3. [шилжсэн] Түгэх, дэлгэрэх: өвчин тарах (өвчин түгэх), хуян тарах (хүний биеийн шингэн нэг газар луугаа гүйх), халдвар тарах (халдвар дэлгэрэх), цуурхал тарах (цуурхал дэлгэрэх) - Ардын засгийн бодлогыг гуйвуулж гүтгэсэн элдвийн цуурхал яриа олны дотор тарах бөгөөд түүнийг том лам нар, ноёд гаргаж байгаа нь ил. Ч.Лодойдамба. Тунгалаг Тамир.