1. Юмыг дундуур нь хуваах, хагаслах - Залуус барилгын суурийн дэргэдүүр явж, зарим нь уул овоо шиг хураасан тоосго, таллаж зүссэн дүнз модыг сонирхон харна. Д.Мягмар. Нэгэн байшингийн тууж., тэг дундуур нь таллах (яг дундуур нь хуваах), таллаж авах (а. Хагаслан авах; б. Яг адилхан хоёр хуваасны нэгийг нь авах), таллан хуваах (хэсэглэн хуваах, хагаслан хуваах);

---

2. Хоёр талаас нь авах, тал талаас нь хэрчиж авах, хажуугаас нь зүсэж авах: ууц таллах (хонины чанасан ууцыг хоёр талаас нь нимгэнээр зүсэж авах, ууц хөндөх) -Тэднийд үнэхээр их бүдүүн хар хүн хоймор сууж том зэс цар дээр тавьсан ууц таллаж байлаа. С.Эрдэнэ. Өгүүллэгүүд;

---

3. [шилжсэн] Талцах, үзэл бодол, үйл ажлаараа хоёр тал болж хуваагдах;

---

4. [шилжсэн] Үрж хавирч, ир гаргах: хутга таллах (хутга хурцлах), хайч таллах (хайч ирлэх).