1. Бүхэл юмны хагас, өрөөл - Үүлгүй хөх тэнгэрт тал дугариг саран авхай гарч ирэв. “Цог” сэтгүүл., тал бөмбөрцөг (бөмбөрцөг хэлбэртэй юмны хагас), тал дугуй (бөөрөнхий юмыг хоёр хуваасны нэг нь), тал өдөр (хагас өдөр), - Тал өдрийг эмнэлгийн үүдэнд, тамхи савсуулан өнгөрөөдөг юм, тэд. Р.Чойном. Хүн., тал талх (бүтэн талхны хагас), тал хувь (юмыг хоёр хуваасны нэг);
2. Юмны нэг этгээд буюу зүг, чиг:
ар тал (а. Аливаа юмны ар хэсэг, ар этгээд; б. Ямар нэг үйл ажиллагаа явуулж буй хүмүүсийн ар талын ажлыг хариуцсан хүмүүс; дайтаж байгаа шугамын ар этгээд, нутаг орон),
баруун тал (баруун гар талын хэсэг),
гадна тал (гадар хэсэг),
дотор тал (юмны дотоод хэсэг),
хажуу тал (хажуу хэсэг), -
Зүүн тал нь Хярааны харуул, баруун тал нь Битүүний тавилан гэв. Д.Гонгор нар. Д.Сүхбаатарын тухай дуртгалууд;
3. Тэмцээн уралдаан, дайн тулааны эсрэг этгээд:
дайсны тал (дайсан этгээд) -
Дайсны тал сулрах байдалтай болов. С.Дашдэндэв. Улаан наран., нэг тал болох (нэг бүлэг болох, хэсэг хэсгээрээ бүлэглэх),
хоёр тал (өөр өөрийн эрх ашиг бүхий хоёр бүлэг этгээд) -
Хоёр тал дундаа хоёр гэр бариулжээ. Тийнхүү зэвсгээ яаж хураалгах тухай хэлэлцээр хийгээд нэг гэрт хятад цэргүүд зэвсгээ овоолов. Л.Түдэв. Улаан долгион., эсрэг тал (эсэргүүцэгч этгээд),
4. Хавтаг, хавтгай:
дөрвөн тал (дөрвөн хавтгай, дөрвөн хэсэг) -
Дөрвөн талтай малгай духдуулан өмссөн нэгэн эр гарч ирэв. “Утга зохиол, урлаг” сонин;
5. Хоёр өнцөг булангийн дундах тэгш зай:
найман талтай лонх (найман тэгш зай бүхий ханатай лонх),
зургаан талтай шилэн аяга (зургаан тэгш зай бүхий ханатай шилэн аяга);
6. [шилжсэн] Чанар, байдал:
тал бүрийн авьяастай (олон төрлийн авьяастай),
муу тал (муу чанар),
сайн тал (сайн чанар) -
Энэ нь сайн талтай юм. “Утга зохиол, урлаг” сонин., олон талын асуудал (янз бүрийн асуудал, олон талтай асуудал),
аж ахуйн талын мэдлэг (аж ахуйн холбоотой мэдлэг).