Хэвлэх


2024-03-29 12:01:20http://mongoltoli.mn/

ТАЙГА

Хөндөгдөөгүй ой хөвч бүрхсэн өтгөн шигүү, өндөр аглаг уул нуруу - Таян хан чамаас айж тайга ууланд шургаж оров ухаан алдтал айгаад тэр ууланд хоргодон авирч байна. Монголын нууц товчоо., тайгын адуу (ян сарьдаг уултай, цас их унадаг Якут, Хойд туйлын ой орчмоор нутагшсан, хүйтэнд тэсвэртэй нэг омгийн адуу. Мөн Монголын хойд хязгаарын Хөвсгөлийн тайга хавийн Дархад нутгийн цагаан адуу), тайгын бүслүүр (газар нутгийг уур амьсгалынх нь онцлогоор хуваасны шилмүүст ой зонхилсон ургамлын хэв шинж бүхий хэсэг) - Тал газар тавиулж, тайга газар алхлуулав. Монгол цэцэн үгийн далай., тайгын ургамал (тайгын бүсэд ургах ургамал), тайгын цаатан (тайгын аглаг зэлүүд газар цаа маллан амьдрах нэг ястан), ой тайга [хоршoo] (өтгөн шигүү, аглаг ой мод) - Нэвсийтэл уйтгарласан ой тайга сэргэв. Б.Явуухулан. Хар ус нуурын шагшуурга., уул тайга [хоршoo] (өтгөн шигүү ургасан ой мод бүхий уул нурууд), хөвч тайга [хоршoo] (аглаг зэлүүд өтгөн ой мод, уул нуруу бүхий газар).

--oOo--