1. Ах настан: ахмад багш (он удаан жил ажилласан сурган хүмүүжүүлэгч), ахмад зүтгэлтэн (олон жил үр бүтээлтэй ажилласан хүндэт хүн), ахмад үе (түрүү үе), ахмад хүн (настай хүн) - Ахмад хүний дэргэд их үг хэлж болохгүй. С.Дашдооров. Говийн өндөр., ахмадыг хүндэтгэх (настныг хүндэтгэх), ахмадын сургаал (настны сургаал), ахмадын сургаал алт, эгчмэдийн сургаал эрдэнэ [зүйр цэцэн үг] (ах зах улсын хэлсэн үг үнэтэй гэсэн санаа), ахмадын туршлага (ах зах улсын олсон мэдлэг туршлага) - Энэ хоёр жилд ахмадуудын туршлагаар явжээ. Л.Дашням. Бурхантын цэцэг;

---

2. [шилжсэн] Том, бүдүүн: ахмад хуруу (хамгийн том хуруу, эрхий), ахмад бишгүүр [хөгжим] (аргил буюу их бишгүүрийн нэгэн зүйл), ахмад доомбор [хөгжим] (аргил дуу гарах доомбор), ахмад хийл [хөгжим] (хамгийн бүдүүн эгшиглэх чавхдаст нумт хөгжмийн зэмсэг, хэлбэр хийлийн адил болоод маш том, босоо зогсож хөгжимддөг, голдуу дөрвөн чавхдастай), ахмад чавхдас [хөгжим] (чавхдаст хөгжмийн зэмсгийн хамгийн бүдүүн чавхдас).