1. Дорой буурай байдал дээшлэх, засрах, сайжирч эхлэх - Эр хүн дордох сэхэх гэдэг улирлын байдал шиг заавал ээлжилж байдаг жамтай биш боловч, хэнд ч тохиолдож болдог юм. М.Чимид. Алтан номын үсэг., сэхэх мөхөх [хоршоо] (а. Өөдлөх уруудах,; б. Ялах ялагдах; в. Зөв буруу) - Сэтгэлд оршгүй уран арга сэхэх мөхөхийг шийдвэрлэнэ. Ж.Дамдин. Үймээний жил., эр хүн долоо дордож, найм сэхэх [зүйр цэцэн үг] (амьдралд юу ч тохиолдож болно, гагцхүү зорьсон хэргийнхээ төлөө шантрахгүйгээр тууштай тэмцэх хэрэгтэй гэсэн санаа);

---

2. Муужирч манарсан хүн ухаан орох - Үгүй ээ энэ хүн ухаан алдаад сэхэхгүй байна. Т.Дэчингунгаа. Өөдрөг зам., унаад сэхэх (ухаан алдаж унаад эргэж ухаан орох);

---

3. Өвчин эдгэрч бие засрах төлөвийг олох - Гүтгэгдэж эрүү тулгагдаад арайхийж мултарч гараад эмгэг тусаж нэг ядуу айлд сар хэвтээд сэхлээ. С.Удвал. Их хувь заяа., үхэх сэхэх [хоршоо] (а. Өөдлөх уруудах; б. Ана мана үзэх, ялах уруудах; в. Амьдрах үхэх) - Хурц хурдан тэр өвчнөөр өвдсөн хүн үхвэл үхэж, сэхвэл сэхэх хугацаа өнгөрлөө. Б.Нямаа. Арандалынхан.