1. Ямар нэгэн тусгай мэргэжлийн тухай юмуу ямар нэгэн асуудлын утга учир, чанар, байдал зэргийг олон нийтэд таниулах зорилготой тогтмол хэвлэл: сар тутмын сэтгүүл (сард нэг удаа гардаг сэтгүүл), сэтгүүл зүй (сонин хэвлэл, радио, телевизийн үүсэл хөгжлийн түүхэн замнал, одоогийн төлөв, ирээдүйн хандлага тэдгээрийн дамжуулан нэвтрүүлж буй мэдээ мэдээлэл, материалын бүхий л үйл ажиллагааг судлах, үнэлэлт дүгнэлт өгөх ухаан), сэтгүүлийн дугаар (сэтгүүлийг дэс дараалсан тоо), сэтгүүлийн эрхлэгч (сэтгүүлийн ажлын үйл явцыг хариуцан ажиллах хүн), сэтгүүл захиалах (захиалгаар сэтгүүл авч унших), сонин сэтгүүл [хоршоо] (тодорхой хугацаанд тогтмол хэвлэгддэг олон нийтэд мэдээ мэдээлэл хүргэх болон танин мэдэхүйн ач холбогдол бүхий хэвлэл) - Энэ бүхэн нь тэр үеийн сонин сэтгүүлд хэвлэгдсэн тул одоо ч түүнээс олж үзэж болно. Ж.Дамдин. Миний монгол;

---

2. [хуучирсан] Цаг үеийн байдлыг гаргах богино хэмжээний баримтат кино.