1. Үйл явдалд сэхээтэй, хурц ухаантай, сэргэлэн - Хэдэн сэргэг залуус юу болж байгааг ажиж мэдэх гэсэн боловч алсын бараа харагдахгүй өндөр дэнжийн ёроолд байцгаах тул юу ч үзэгдсэнгүй. Л.Түдэв. Нүүдэл;

---

2. Нойр хөнгөн, хялбар сэрдэг - Номд мэргэн, нойронд сэргэг. ААЗ., сэргэг унтах (бөх нойрт авталгүй унтах) - Нөхдөө өнөө шөнө сэргэг унтахгүй бол горьгүй. С.Дашдооров. Говийн өндөр., сэргэг соргог [хоршоо] (а. Сэргэлэн, цовоо; б. Хөнгөн нойртой) - Энэ шөнийг нарийн чанд манаатай цөм сэргэг соргог хонож өнгөрөөсөн боловч юу ч болсонгүй, нам тайван хонолоо. Ж.Дамдин. Миний монгол.