1. Сэрвэгэр юмны сэрвэс сэрвэс хөдлөх - Шанаа руу нь унжсан хэсэгхэн үс салхинд сэрвэлзэн хийсэж явав. П.Лувсанцэрэн. Хөдөөгийн дуун., сэрвэлзэн хийсэх (сэрвэс сэрвэсхийн хийсэх) - Урт хар гэзэг нь хүлэгтэй гар дээгүүрээ давж, үзүүр нь сэрвэлзэн хийснэ. Б.Нямаа. Арандалынхан;

---

2. Салхи зөөлөн салхилах: салхи сэрвэлзэх (бага зэрэг салхи гарах) - Хаврын бүлээн салхи үе үе сэрвэлзэнэ. Н.Банзрагч. Зам;

---

3. Сэртэлзэх: сэрвэлзэн харах (ийш тийш сортолзон харах) - Чимээгээр нь чоно ирэх вий гэж айдас хүрч ийш тийш сэрвэлзэн харвал үүрийн орог гэгээнд холын бараа бүрэлзэн... байлаа. Б.Догмид. Цэнхэрлэн харагдана.