1. Хүн, амьтны гэдэс ходоод зэргийг бүрж байх нимгэн өөх: сэмж нь зузаарах (таргалах) - Намрын цагт бог малыг мангиртай бэлчээрт хариулахад сэмж нь зузаарч өөхөн тарга сайн авдаг. Ж.Самбуу. Мал маллагааны арга туршлага., элэг сэмж [хоршоо] (элэг болон элэгний гадуур бүрхсэн нимгэн дотор өөх), элэг сэмж шарах (мал, амьтны элгийг сэмжинд нь боон шарж идэх), сэмжин өөх гүзээнд наалдана, сэцэн үг ажилд тусална [зүйр цэцэн үг] (зөв үнэн үг үйл ажилд тустай гэсэн санаа);

---

2. Сэмж хэлбэртэй юм: сэмжин үүл (сэмж мэт нимгэн сиймгэр харагдах үүл) - Сэмжин цагаан үүл тэнгэрт хөвсөн тэр нэг нарлаг өдөр… байлаа. Ж.Пүрэв. Гурван зангилаа.