1. Сэлэх, солих, ээлжлэх - Машиныхаа хол ойрын гэрлийг сэлгээд ч тус болсонгүй. Ч.Алагсай. Алтайн зам., морь сэлгэх (унаагаа юүлэх), нутгаа сэлгэх (нутгаа солих, өөр нутаг руу нүүх) - Тэгээд шинэ сэргэг нутаг бэлчээр сэлгэх хэрэгтэй болно. Б.Сосорбарам. Очсын хүрээлэн., хөлөө сэлгэж зогсох (хөлөө ээлжлэх), сэлгэж өмсөх (хувцсаа сольж өмсөх), авиа сэлгэх [хэл шинжлэл] (хэлэх явцад авиа өөрчлөгдөн хэлэгдэх), сэлээд унах унаатай, сэгсрээд өмсөх хувцастай [зүйр цэцэн үг] (зэгсэн аж амьдралтай, юм юмтай);

---

2. Сэлгүүцэх, хэсэх тэнэх: өрөө тасалгаа сэлгэх (өрөө тасалгаагаар сэлгүүцэх) - Гэвч сэтгэл гэгч бие махбодоосоо салсан мэт дураар сэлгэн цэнгэх энэ түрхэн зуурын сайхан таалж удаан тогтдоггүй нь харамсалтай. П.Лувсанцэрэн. Хөдөөгийн дуун;

---

3. Халуун хүйтэн харшилдуулах, халуун юмыг хүйтэн юманд хийж хөргөх.