1. Эвдэрсэн элэгдсэн юмыг сэлбэх эд зүйл: сэлбэг авах (сэлбэх юм авах), сэлбэг болох (сэлбэн засахад хэрэглэгдэх), машины сэлбэг (машины эвдэрсэн, муудсан эд ангийг сэлбэх эд хэрэгсэл) - Тэргэнд тавих сэлбэг, гэдсэнд хийх хоол байвал ч бид шогшоод байхаас буцахгүй л дээ гэж Жамсран хэлэв. Ж.Бямба. Их аяныхан., моторын сэлбэг (мотор сэлбэхэд хэрэглэх юм), сэлбэг хэрэгсэл [хоршоо] (эвдэрч хэмхэрсэн зүйлийг засаж янзлахад хэрэглэгдэх эд зүйл) - Төвөөс сэлбэг хэрэгсэл иртэл ажиллах нөхцөлгүй гэнэ. Л.Түдэв. Нүүдэл;

---

2. Тухайн үйлд нөхөн туслахаар зориулсан зүйл - Тэгээд төлийн бэлтгэлээ шалгаж үзээд сэлбэг болгон нэлээд олон нэмнээ нэмэн бэлтгэж иод, хайч, эм хэрэглэлээ ойр гаргаж авав. Б.Сосорбарам. Очсын хүрээлэн., сэлбэг болох (туслалцаа болох, дэм болох) - Хүчтэй дайнд сэлбэг бололцон явъя. Жангар., дэм сэлбэг [хоршоо] (хань хамсаа, тус дэм) - Нөхөртөө би л дэм сэлбэг болохгүй бол өөр хэн туслах билээ гэж боддог байжээ. Б.Бааст. Алтайн хөх дөнөн.