1. Үйл явдлыг үүсгэхэд холбогдсон шалтгаан: сэдэв авах (а. Санаа авах - Танай сумын байдлаас сэдэв авч нэг жүжиг бэлдлээ. Ц.Ням-Осор. Юу гэнээ хөө; б. Сэжиг авах - Гамингууд сэдэв аваад эргэж яваа бололтой байна. С.Буяннэмэх. Түүвэр зохиол), ярианы сэдэв гаргах (ярих сэжүүр олох) - Ахмад ярианы сэдэв гаргаад, нөгөө Цэрэндоо дарга руу эргэлээ. “Цог” сэтгүүл., сэдэв олох (ямар нэг зүйлийг эхлүүлэх, ярих шалтаг шалтгаан олох);

---

2. Нууц хэргийн сэрэгдүүлэх, сэжигдүүлэх шалтгаан болох баримт: сэдэв авахуулах (сэжиг өгөх), сэдэв мэдэгдэх (сэжиг төрүүлэх) - Харин өөрөө сэдэв мэдэгдэж болохгүй. Цаадуулаа хичээмжтэй бай гээ. Г.Дүйнхэржав. Арилшгүй мөр., сэдэв сэжиг [хоршоо] (ажиг, таавар хар) - Зэрлэг өлсгөлөн чоно дайрч довтлох чимээгээр нь ноход маань сэдэв сэжиг авч тэднийхээ аминд орох шиг боллоо. Б.Бааст. Алтайн хөх дөнөн.