Суурин байран суух, төвхнөх; байр сууриа олох - Гэтэл эндээ тодорхой биш хугацаагаар түр суурьших болов. Т.Дэчингунгаа. Өөдрөг зам., шинэ газар суурьших (өөр газарт амьдрах), суурьшин амьдрах (ийш тийш нүүлгүй, нэг газар суурин байран амьдрах) - Тэр ч байтугай Алтай, Хангайд төрсөн, өссөн охид хөвгүүд ч энд суурьшиж амьдрах болсныг сонсоход мөн ч баярлууштай санагдана. Б.Бааст. Алтайн хөх дөнөн., суурьшин нутаглах (байран нутаглах, бууж удаан нутаглах) - Бас манайхан шууд очиж буугаад суурьшин нутаглаж болмоор тохиромжтой газрыг олох хэрэгтэй! гэж тушаав. Б.Нямаа. Арандалынхан., идээшин суурьших (буусан газраа суурин амьдарч, ус гол, уур амьсгалд нь дасах) - Их хүрээнд идээшиж суурьшсан худалдааны болон энгийн иргэд их л баяр ёслолын байдлаар хар хар хувцас өмссөн байв. Л.Түдэв. Алтан гадас чигийг заана., нийслэлд суурьших (нийслэлд суурин амьдрах), нүүж суурьших (нүүдэллэн ирж суурин амьдрах) - Ноднин манайхан Ононы урд биед нүүж суурьшихад нэгдлийн бяруу хардаг хоёр айлтай хамт адуугаа аваад үлдсэн. С.Эрдэнэ. Малын хөлийн тоос., тархан суурьших (тал талд таран байрлах) - Өргөн цайдам талаар тархан суурьшсан буриад ястан сүүлийн үеэс цэрэг цуургын хөлд дахин дахин эрсджээ. Б.Нямаа. Арандалынхан.