1. Сул болгох - Аажмаар нэг гараа татаж нөгөө гараа сулруулав. Ч.Лодойдамба. Тунгалаг Тамир;

---

2. Эрчийг нь багасгах, чанга биш болгох: олмыг нь сулруулах (эмээлийнхээ олмыг чанга татсаныг нь сул болгох);

---

3. Дуу чимээг аядуу, намуун болгох;

---

4. Хүч тамир, тэнхээ чадлыг нь бууруулах, муутгах - Ус намагтай зүлэг ширгэнд байлгавал хүч таргыг сулруулах муу талтай. Ж.Самбуу. Мал маллагааны арга туршлага., хүчийг нь сулруулах (хүчийг нь бууруулах) - Тэр болтол та нар тэндээ үймээн самуун улам их гаргаж хүчийг нь сулруулан анхаарлыг нь биедээ татаж бай. Ц.Уламбаяр. Зовлон жаргал;

---

5. Хоосон болгох, дотор нь юмгүй болгох;

---

6. [шилжсэн] Амт чанарыг нь муутгах;

---

7. [шилжсэн] Хүний идэвх санаачилга, анхаарлыг бууруулах: сонор сэрэмжийг сулруулах (сонор сэрэмжээ алдах).