1. Адууны сойх дэл: сойлго тавих (адууны дэлийг засахдаа сойх тавих);

---

2. Адуу малын биеийг нь хөнгөрүүлэн тарга хүчийг тогтоох, тамир тэнхлийг сайжруулахаар сойх уяа: сойлго авах (а. Эдэлгээний малын бие хөнгөрч тарга хүч тогтох; б. Уралдааны морины уяа засал жигдрэх), сойлго алдах (а. Уралдааны морины уяа засал нь дутуудах, тохиромжгүйдэх - Уяа сойлгыг нь алдуулснаас болдог юм. Б.Бааст. Алтайн хөх дөнөн; б. Идээ ундаанд сувилгааны цээр алдах), сойлго даах (а. Уяж шавхаргахыг тэсэж гарах; б. [шилжсэн] Цээр хоригийг тэсвэрлэж дийлэх), сойлго нийлүүлэх (уяа заслыг нь тохируулах), сойлго таарах (сойлго ханах), сойлго ханах (уяа засал нь төгс зохирох) - Намрын бэлчээрт эр хөрстэй дагжуур газар зогсоож сойлгыг нь хангана. Ж.Самбуу. Мал маллагааны арга туршлага., сойлго дутуу (морь малын уяа засал нь гүйцээгүй), уяа сойлго [хоршоо] (морь малыг уяж сойх, засах ажиллагаа) - Уналга эдэлгээний морийг уяа сойлго оруулан хүч таргыг тогтоох нь чухал. Ж.Самбуу. Мал маллагааны арга туршлага., сойлгогүй мал хавартаа муу, сорилгогүй бөх барилдаанд муу [зүйр цэцэн үг] (сорилт боловсрол чухал гэсэн санаа).