Нягт шигүү үслэг зүйлийг иш бариулд хавчуулан тааруулж хийсэн арчих, зүлгэх, түрхэх, цэвэрлэх хэрэгсэл: шүдний сойз (шүд цэвэрлэхэд зориулсан сойз), хувцасны сойз (хувцсанд наалдсан хог, тоос зэргийг цэвэрлэх зориулалтын хэрэгсэл), саван сойз [хоршоо] (угаалга цэвэрлэгээний хэрэглэл) - Хүүхнүүдэд саван сойз бэлэглээд л, хүүхдүүдэд чихэр боов өгөөд л... Ч.Лхамсүрэн. Түүвэр зохиол., хусуур сойз [хоршоо] (морь малын хөлсийг хусах, биеийн хог тоосыг цэвэрлэх хэрэгсэл) - Хусуур сойз бүсэндээ хавчуулсан уяачин эрс урдуур хойгуур галигуулан өнгөрнө. Б.Догмид. Цэнхэрлэн харагдана.