1. Согтууруулах ундааны зүйл ууснаас ухаан балайрах - Буяндэлгэр бүр их согтсон бололтой толгойгоо унжуулан нойрмоглож сууна. С.Дашдэндэв. Улаан наран., айрагт согтох (айраг хэтрүүлж ууснаас ухаан мэдрэл мансуурах), архинд согтох (архи их ууснаас мэдрэл мунхарч, ухаан самуурах) - Тэгээд архинд хэт согтож бие нь алдраад тэр юм уу, хэргээ бүтээж чадсангүй. С.Дашдэндэв. Улаан наран., мал болтол согтох (архи, дарс зэрэг охьт ундааг хэтрүүлэн хэрэглэснээс ухаанаа алдах) - Би чухам мал болтлоо согтжээ. П.Лувсанцэрэн. Хөдөөгийн дуун., *согтсоноос сэргэж, зүүдэлснээс сэрэх (гэнэт ухаан орох), согтоно гэдэг солиорохын дүү, солир гэдэг сохрохын дүү [зүйр цэцэн үг] (архийг согттолоо уух нь зохисгүй гэсэн санаа);
--oOo--